ang wika ng maunlad na bansa ni Pay V. Villafuerte
Mahina, banayad, pigil yaong tinig
Pilit tumitighaw, ngunit di manaig
Pinid yaong dibdib, gapos ng panlupig
Ay, wala na... wala, tinig ng pag-ibig
Sinisikil ang tuwa, pinipigil ang galak
Kinukuyom ang galit, takot ang ginanyak
Panganib, pangamba, at pagkawakawak
Nakamasid, nakalanta sa lipunang warak
Mangyari ang dila, ang bibig, ang tinig
Nakatikom, takot, di makasambit
Mangyari ang wika ay hindi maisatitik
Nauumid, namamaos, nawawala ang tigatig
Ito ba ang wikang mula sa silangan
Minana ng lahing malayo't mayaman
Pinuhunan ng pawis, luha't dugong mahal
Ano't ngayo'y nawawaglit, di maitighaw
Anong wika ba itong sinasambit-sambit
Sa nayon, sa lungsod, sa bayang kahapis-hapis
Anong wika ba itong mandi'y nananangis
Gapos-tanikalang walang bahid dungis
Wikang Filipino! Pundasyon ng tanan
Ng angkang magigiting, matatatag, mararangal
Wikang salalayan, kulturang dalisay
Wikang salaminan ng lipunang may dangal
Unti-unting namumulat, nagigising
Ang wikang kumawala sa tinig kong dumaraing
Malamyos, makinis, malambing, mataginting
Wikang Filipinong larawan ng tanging giting
At sumibol, at umunlad ang wikang ating-atin
Inaruga, pinayabong, pinayamang walang tigil
Dayuhang manunubos, dumating... dumating
Hinalay ang wika kong walang lubay sa pagdaing
Binago ang wika, binawasan, dinagdagan
Sumanib ang kulturang dayong-dayong ang larawan
Wikang Filipino'y nagtataka, umaasam
Ano't baya'y di kumibo, di naglahad ng dahilan
Dahil ba ng wika'y busabos kung ituring
Tulad ng bayan kong inandukha ng hilahil
Wikang Filipino'y kailan pa magigising
Sa pagkakaidlip, libingan ang kahambing
Dumagsa ang mga aklat, mga paaralang-bayan
Talino'y nagtagisan, talsik sa isipan
Batas ng Diyos, batas ng tao'y binigyang-katarungan
Wikang Filipino ang tanging pinuhunan
Layunin:
Paksa:
Mensahe:
GOD BLESS NA TUTULONG SAKIN
Share
Answer:
GOD BLESS NA LANG FOH
Explanation:
Layunin: Hindo ko foh alam
Paksa: Mas lalong hindi ko foh alam
Mensahe: I D K